Nieu-Seelandse nasionale krieketspan

Nieu-Seeland

Kenteken van die Nieu-Seelandse nasionale krieketspan
Bynaam	Black Caps, Kiwis
Konferensie	Nieu-Seeland Krieket (NZC)
Personeel
Toetskaptein	Tim Southee
EDI-kaptein	Tom Latham
T20I-kaptein	Kane Williamson
Afrigter	Gary Stead
Geskiedenis
Toetsstatus verkry	1930
Internasionale Krieketraad
IKR-status	Volle lid (1926)
IKR-streek	Oos-Asië-Pasifiek
IKR-ranglys Tans[4] Beste rang tot dusver Toetsrang 5de 1ste (6 Januarie 2021)[1] EDI 5de 1ste (3 Mei 2021)[2] T20I 6de 1ste (4 Mei 2016)[3]
Toetse
Eerste toets	t Engeland op Lancasterpark, Christchurch; 10–13 Januarie 1930
Laaste toets	t Australië op Hagley-ovaal, Christchurch; 8–11 Maart 2024
Toetse Gespeel Gewen/Verloor Algeheel[5] 470 115/185 (24,46%) (0 gelykop, 170 onbeslis) Vanjaar[6] 4 2/2 (0 gelykop, 0 onbeslis)
Wêreldtoets- kampioenskappe	3/3 (eerste in 2019–2021)
Beste uitslag	Kampioen (in 2019–2021)
Internasionale eendagwedstryde
Eerste EDI	t Pakistan op Lancasterpark, Christchurch; 11 Februarie 1973
Laaste EDI	t Bangladesj op McLeanpark, Napier; 23 Desember 2023
EDIs Gespeel Gewen/Verloor Algeheel[7] 824 379/395 (45,99%) (7 gelykop, 43 onbeslis) Vanjaar[8] 0 0/0 (0 gelykop, 0 onbeslis)
Krieketwêreldbeker-verskynings	13/13 (eerste in 1975)
Beste uitslag	Naaswenner (in 2015 en 2019)
Kampioenetrofee-verskynings	8/8 (eerste in 1998)
Beste uitslag	Kampioen (in 2000)
Twintig20s
Eerste T20I	t Australië op Edenpark, Auckland; 17 Februarie 2005
Laaste T20I	t Papoea-Nieu-Guinee op Brian Lara-krieketakademie, San Fernando; 17 Junie 2024
T20Is Gespeel Gewen/Verloor Algeheel[9] 220 111/92 (50,45%) (10 gelykop, 7 onbeslis) Vanjaar[10] 17 8/8 (0 gelykop, 1 onbeslis)
T20I-wêreldbeker-verskynings	9/9 (eerste in 2007)
Beste uitslag	Naaswenner (in 2021)
Toetsklere EDI-klere T20I-klere

Die Nieu-Seelandse nasionale krieketspan (Engels: New Zealand national cricket team), met die byname Black Caps^[11] (“swart pette”) of Kiwis,^[12] is die nasionale krieketspan wat Nieu-Seeland in toets- en kitskrieket verteenwoordig. Dit word beheer en geadministreer deur Nieu-Seeland Krieket (NZC, van Engels: New Zealand Cricket) en is ’n volle lid van die Internasionale Krieketraad (IKR) met toets-, EDI- en T20I-status. Hulle het hul eerste toets in 1930 teen Engeland in Christchurch, Nieu-Seeland, gespeel en daarmee die wêreld se vyfde toetsland geword. Die span kon eers in die 1955/56-seisoen ’n toets wen, teen Wes-Indië op Edenpark in Auckland.^[13] Hulle het hul eerste internasionale eendagwedstryd in die 1972/73-seisoen teen Pakistan in Christchurch gewen. Die Nieu-Seelandse krieketspan het bekend geword as die “Black Caps” in Januarie 1998, nadat sy eertydse borg, Clear Communications, ’n kompetisie uitgeskryf het om ’n naam vir die span te kies.^[14] Dit is een van talle byname vir Nieu-Seelandse nasionale spanne wat verband hou met die All Blacks. Nieu-Seeland is tans (Junie 2024) vyfde op die IKR-toetsranglys, vyfde op die eendagranglys en sesde op die Twintig20-wêreldranglys.^[15][16][17]

Nieu-Seeland het tot dusver twee keer as medegasheer van ’n krieketwêreldbekertoernooi opgetree (in 1992 en 2015), in albei gevalle saam met Australië. Al is Nieu-Seeland telkens een van die gunstelingspanne om beide die krieketwêreldbeker en die T20I-wêreldbeker te verower, het dié eer hulle nog nie te beurt geval nie. Hul beste prestasie tot dusver is die eindstryd, wat die Black Caps twee keer gehaal het (in 2015 en 2019), maar hulle is deur onderskeidelik Australië en Engeland in die eindstryd verslaan. Nieu-Seeland het Suid-Afrika in die halfeindstryd van die Krieketwêreldbeker 2015 verslaan, hul eerste oorwinning in ’n wêreldbekerhalfeindstryd en sodoende vir die eerste keer in ’n wêreldbekereindstryd verskyn, maar uiteindelik teen hul trans-Tasmanse teenstanders Australië verloor.^[18] In die volgende krieketwêreldbekertoernooi in 2019 het Nieu-Seeland weer die eindstryd gehaal, maar naelskraap teen Engeland volgens aangetekende grenshoue verloor, nadat beide die wedstryd en die volgende superboulbeurt gelykop geëindig het.^{[19][20][21][22]} Twee voormalige Nieu-Seelandse spelers is in die Internasionale Krieketraad se Heldesaal opgeneem.^[23]

Nieu-Seeland het tydens die Kampioenetrofee 2000 (destyds die Uitkloptrofee genoem) sy eerste internasionale titel ingepalm. In 2021 het die Blacks Caps in die eindstryd van die Wêreldtoetskampioenskap Indië met agt paaltjies verslaan en sodoende hul tweede IKR-titel gewen. Tydens die T20I-wêreldbeker 2021 het Nieu-Seeland vir die eerste keer die eindstryd gehaal, maar hulle is deur Australië met agt paaltjies verslaan.

1. ↑ (en) "Jamieson takes six as New Zealand scale the rankings summit". Internasionale Krieketraad. 6 Januarie 2021. Besoek op 18 Junie 2024.
2. ↑ (en) "New Zealand climb to top of the ODI rankings in annual update". Internasionale Krieketraad. 3 Mei 2021. Besoek op 18 Junie 2024.
3. ↑ (en) "New Zealand top T20I rankings for first time". ESPNcricinfo. 4 Mei 2016. Besoek op 18 Junie 2024.
4. ↑ (en) "ICC Rankings". Internasionale Krieketraad.
5. ↑ (en) "Test matches – Team records". ESPNcricinfo.
6. ↑ (en) "Test matches – 2024 Team records". ESPNcricinfo.
7. ↑ (en) "ODI matches – Team records". ESPNcricinfo.
8. ↑ (en) "ODI matches – 2024 Team records". ESPNcricinfo.
9. ↑ (en) "T20I matches – Team records". ESPNcricinfo.
10. ↑ (en) "T20I matches – 2024 Team records". ESPNcricinfo.
11. ↑ (en) "Blackcaps". Nieu-Seeland Krieket. Besoek op 18 Junie 2024.
12. ↑ (en) "New Zealand People". Nieu-Seeland. Besoek op 18 Junie 2024.
13. ↑ (en) Bill Frindall (2009). Ask Bearders. BBC. p. 163. ISBN 978-1-84607-880-4.
14. ↑ (en) Ian Anderson (29 Januarie 1998). "It's Clear Black Caps very dull". Waikato Times. p. 12.
15. ↑ (en) "Men's Test Team Rankings". Internasionale Krieketraad. 2 Mei 2024. Besoek op 18 Junie 2024.
16. ↑ (en) "Men's ODI Team Rankings". Internasionale Krieketraad. 2 Mei 2024. Besoek op 18 Junie 2024.
17. ↑ (en) "Men's T20I Team Rankings". Internasionale Krieketraad. 12 Junie 2024. Besoek op 18 Junie 2024.
18. ↑ (en) Greg Baum (24 Maart 2015). "Cricket World Cup: Drama aplenty as New Zealand enter first final". The Sydney Morning Herald. Besoek op 18 Junie 2024.
19. ↑ (en) "A recap of the most dramatic match in cricket history". The Guardian. 14 Julie 2019. Besoek op 18 Junie 2024.
20. ↑ (en) "England win Cricket World Cup: Ben Stokes stars in dramatic finale against New Zealand". BBC. 14 Julie 2019. Besoek op 18 Junie 2024.
21. ↑ (en) "2019 Cricket World Cup final: England beat Black Caps in greatest ODI in history". The New Zealand Herald. 14 Julie 2019. Besoek op 18 Junie 2024.
22. ↑ (en) "Epic final tied, Super Over tied, England win World Cup on boundary count". ESPNcricinfo. 14 Julie 2019. Besoek op 18 Junie 2024.
23. ↑ (en) "ICC Hall of Fame". Internasionale Krieketraad. Besoek op 18 Junie 2024.